Денеска во 35 коло од најсилното италијанско првенство фудбалерите на Рома на домашен терен убедливо со 4:0 го совладаа составот на Фиорентина.

Гол серијата на римскиот клуб ја почна Манчини во 13 минута, за зголемување на предноста се погрижи Весли Франка во 17 минута.

Во 34 минута во листата на стрелците се запиша Хермосо, а конечниот епилог во 58 минута од средбата на стадионот „Олимпико“ го постави Писили.

На три кола до крајот на сезоната, на табелата во Серија А римската „волчица“ е на петтата позиција со 54бодови, само еден помалку од четвртопласираниот Јувентус, и се враќа во трка за една од позициите кои водат во Лигата на шампионите следната сезона.

Во следното коло Рома на 10 мај ќе гостува кај Парма, додека Фиорентина и покрај овој пораз, благодарение на денешниот пораз на Кремонезе дома од Лацио (1:2), успеа да обезбеди опстанок во елитата.