Религијата на генерација „Зет“ во Европа: Македонија е православна, а северот се одлучува за атеизам
Maпa објавена на инстаграм-страницата „GeoData & Rankings“ открива интересни податоци за религиозниот пејзаж кај припадниците на генерацијата „Зет“ во Европа. Генерацијата „Зет“ (родени меѓу 1997 и 2012 година) во Европа покажува разновидна религиозна слика, обликувана од историјата, културата и променливите социјални ставови.
Препорачано
View this post on Instagram
Земјите со католичка мнозинска верска припадност се најчесто концентрирани во Западна, Централна и Јужна Европа, каде што Италија, Португалија, Австрија, Швајцарија, Полска и Хрватска остануваат претежно католички. Во Источна и Југоисточна Европа доминира православното христијанство, со најголем број припадници во Русија, Украина, Србија, Македонија, Романија и Бугарија. Муслиманската вера е најзастапена меѓу помладите генерации во Босна и Херцеговина и на Косово.
Интересно е што атеизмот и секуларизмот се широко распространети во северните и западните делови на Европа, особено во Шпанија, Франција, Велика Британија, Шведска, Норвешка, Германија, Данска и Холандија, но и во Турција и Грција, што укажува на значаен пораст на секуларизмот меѓу младите.
Иако GeoData & Rankings не го навеле изворот на податоците за картата, истражувања за религиозните преференции на генерација „Зет“ биле извршени од Ipsos и Pew Research Center.
