Зајон Вилијамсон го одигра најдобриот натпревар во НБА лигата, откако се минатиот месец конечно доби дозвола од лекарите за настап. Њу Орлеанс со 138:117 го совлада Портланд, а блескаше Вилијамсон со 31 постигнат поен за 28 минути. Покрај тоа имаше и 10 скокови и пет асистенции.

Во дербито на вечерта Филаделфија со 110:103 го совлада ЛА Клиперс.
Предводници во триумфот беа Џоел Ембид со 26 поени и Бен Симонс кој оствари трипл-дабл од 26 поени, 12 скокови и 10 асистенции. Кај Клиперс најпрецизен беше Каваи Ленард со 30 поени.

Хјустон рокерс предводен од Харден и Вестбрук го совладаа Бостон со 116:105. Харден натпреварот го заврши со 24 постигнати поени, а Вестбрук имаше учинок од 36 поени и 10 скокови.

Резултати:

Филаделфија – Лос Анџелес клиперс 110:103
Вашингтон – Чикаго 126:114
Њу Орлеанс – Портланд 138:117
Оклахома Сити – Сан Антонио 106:114
Хјустон – Бостон 116:105.