Рецепт за запечени њоки со грашок и шунка: Кремаст ручек кој ќе ве одушеви!
Ако досега не сте јаделе печени њоки, ова јадење ќе биде вистинско изненадување!
Почестете се со кремаст ручек, кој не бара многу труд или знаење во кујната. Подготовката и печењето ќе ви одземе само половина час, освен ако не одлучите да направите домашни њоки.
Состојки:
– 400 грама њоки
– 2 лажици путер
– 100 грама шунка
– 2 чешниња лук
– 200 мл павлака за готвење
– 50 грама пармезан
– 150 грама грашок
– бибер
Подготовка:
Загрејте ја рерната на 180 степени и истовремено сварете ги њоките во посолена вода.
Њоките извадете ги штом испливаат на површина.
Во тавче растопете путер и лесно запржете ги коцките шунка.
Извадете ја шунката и ставете ја на страна.
Во тавчето ставете сечкан лук и павлака и вратете го на оган.
Додајте го пармезанот, помешајте, посолете и забиберете.
Додајте ги њоките и половина од грашокот и гответе една минута на лесен оган.
Преместете ги во сад за печење и печете додека смесата да се згусне, 15-20 минути.
Извадете ги од рерна, додајте го преостанатиот грашок, коцките шунка и јадењето послужете го топло.