Вечерва околу 21 часот се случи сообраќајна несреќа на булеварот „Партизански одреди“ во скопската населба Карпош 4, при што е повреден мотоциклист.

Несреќата, во која според првичните информации полесно е повреден разнесувач на храна кој го управувал моторот, се случила спроти слаткарницата „Палма“, на место на кое и претходно се случувале слични несреќи.

Причините за сообраќајката засега не се познати, а полицијата за утре најави повеќе информации околу сообраќајката.