Рама: Тирана втор град во регионот по посета на странски туристи
„Гугл“ ја рангира Албанија на третото место по дестинации со најголем раст во оваа туристичка сезона. Од градовите Тирана е втора меѓу најпосетуваните туристички градови, пренесува Ора Њуз. Премиерот Еди Рама денеска ги објави податоците на „Гугл“ и нагласи дека Тирана е со најмногу посети од туристи.
„Според податоците од самиот Google, Албанија е рангирана на третото место според дестинации со најголем раст во оваа туристичка сезона, додека нашата Тирана е втора, оставајќи зад себе многу градови кои со децении се докажани туристички дестинации“, рече Рама.
Официјалните податоци на ИНСТАТ покажуваат дека Албанија во периодот јануари-јули ја посетиле 5,2 милиони странци. Во периодот од седум месеци, регион со најголем број странски државјани кои влегле во Албанија е европскиот регион со околу 5 милиони граѓани, а потоа следат Америка, Источна Азија и Пацификот.