Албанија е на третото место во Светскиот туристички барометар за периодот јануари-јули 2023 година, со спектакуларен пораст од 56% на туристи, пренесува Ора Њуз. Веста денеска ја соопшти премиерот Еди Рама, кој на социјалните мрежи ја сподели веста каде Албанија е на третото место по Катар и Саудиска Арабија.

„Постигнавме нешто неверојатно: третото место во Светскиот туристички барометар за периодот јануари-јули 2023 година, со спектакуларен пораст од 56% на пристигнувањето туристи“, нагласи тој.

Премиерот рече дека „ова достигнување немаше да биде возможно без посветеноста и напорната работа на сите овие години, а особено на професионалците од нашата туристичка индустрија“.

„Заедно ја ставивме Албанија на мапата како дестинација што мора да се посети и секоја година ќе ја правиме се подобра и подобра. Од сончевите брегови на албанската ривиера, до историската убавина на Ѓирокастро, имаме по нешто за секого“, нагласи Рама.

Премиерот им пренесе и порака на патниците ширум светот:

„Дојдете и откријте го бисерот наречен Албанија. Не пропуштајте – резервирајте ја вашата албанска авантура уште денес“.