Ракометната репрезентација на Македонија на 26 март ќе ги дознае противниците во квалификациите за Европското првенство во ракомет 2028, кое ќе се одржи во Шпанија, Швајцарија и Португалија, соопштија од Европската ракометна федерација.

Според рејтингот, Македонија ќе се најде во вториот шешир заедно со репрезентациите на Австрија, Холандија, Фарски Острови, Србија, Полска, Чешка и Италија.

Ждрепката е закажана да почне во 19:00 часот во Лисабон. Во квалификациите ќе учествуваат вкупно 32 селекции поделени во осум групи, а на континенталниот собир ќе настапат 24 репрезентации.

ПРВ ШЕШИР:
Германија, Хрватска, Исланд, Шведска, Франција, Норвешка, Унгарија, Словенија
ВТОР ШЕШИР:
Македонија, Австрија, Холандија, Фарски Острови, Србија, Полска, Чешка, Италија
ТРЕТ ШЕШИР:
Литванија, Босна и Херцеговина, Белгија, Грција, Украина, Романија, Грузија, Црна Гора
ЧЕТВРТИ ШЕШИР:
Естонија, Летонија, Турција, Косово, Луксембург, Израел, Финска, Словачка