Пред неколку дена, Раде Шербеџија ја одигра 100-тата претстава на „Крал Лир“ во тврдината Минор, а се проценува дека речиси 50.000 гледачи ја гледале претставата во текот на 25-те години постоење на театарот „Улисес“.

Минатата година, тој помина два и пол месеци снимајќи серија во Америка, а во текот на летото снимаше филм во Бугарија, со таткото на Анџелина Џоли.

„Работев со Џон Војт, таткото на Анџелина. Интересен актер и човек. Одличен“, го пофали тој својот холивудски колега.

Претходно Шербеџија соработуваше и со Анџелина Џоли кога работеше на нејзиното режисерско деби, воена драма наречена „Во земјата на крвта и медот“ и на снимањето се спријателиле. Раде рече дека начинот на живот на Анџелина, алудирајќи на Холивуд и славата, е сè што не му се допаѓа.

„Воопшто не ѝ завидувам. Тоа е ужасен живот, без вистински мир“, рече еднаш Шербеџија за Анџелина.

Инаку, Анџелина и нејзиниот татко имаат бурно минато зад себе и не разговарале со години. Тие се оддалечиле кога Џоли открила дека нејзиниот татко ја изневерува нејзината мајка, актерката Маршелин Бертран, а ситуацијата дополнително се влоши по нивниот развод. Анџелина повторно се зближи со својот татко во 2016 година, кога раскина со Бред Пит.