Кошаркарите на Работнички многу потешко од очекувањата го совладаа новајлијата во првата лига Феникс со 94:90 и тоа по продолжението од пет минути откако во регуларниот дел беше 83:83.

Дебитантот уште во првата четвртина покажа дека ќе биде тврд орев за фаворитот и по десет минути игра резултатот беше 25:22 за Работнички.
Во втората четвртина Работнички за прв пат поведе со двоцифрена предност, 41:28, а потоа поведе и со 46:29.

Поголема резултатска промена беше регистрирана во втората четвртина во која најтрофејниот македонски клуб направи посериозна предност. Работнички имаше (41:28) по нешто повеќе од 14.минути од играта. Потоа и уште повисоки, (46:29).

Сепак, гостите не се предадоа направија серија од 4:12  со која негативата стана едноцифрена.
Второто полувреме помина во обиди на кошаркарите на Феникс да ја анулираат негативата и успеаја во последната минута од натпреварот кога со поените на Митревски поведоа со 82:83. Мустафица погоди едно слободно фрлање и го однесе натпреварот во продолжението каде Емерсон со трите слободни фрлања ја обезбеди победата на Работнички.

Емерсон со 18 и Мустафица со 16 поени го предводеа Работнички до триумф, додека кај Феникс, Андреј Митревски имаше одлична партија завршувајќи со 26 поени.
Претходно, Пелистер ја оправда улогата на фаворит и како гостин со убедливи 66:89 славеше над Академија ФМП, додека Гостивар со 85:72 го совлада Куманово, а ТФТ со 85:71 беше поуспешен од Еуро Никел.