Во мултимедијалниот центар „Мала станица“ во Скопје од 7 до 10 јули се одржуваат четири креативни работилници насловени „Приказни од мостот“ организирани од страна на Македонскиот центар за фотогртафија, а водени од Роберт Јанкулоски и Моника Мотеска, експерти во проектот „Споделени хоризонти“, којшто се спроведува во шест балкански држави.

Учесниците на овие работилници имаат можност теоретски и практично да се запознаат со креативните можности на фотографијата, визуелното раскажување приказни (storytelling) и ликовната уметност.

Преку „Приказните од мостот“ учесниците создадоа креативни дела, станаа свесни за значењето на културното наследство, а пред сѐ за важноста од градење на културни мостови коишто нѐ поврзуваат едни со други. Мостови кои ја пренесуваат нашата култура и историја и мостови кои нѐ запознаваат со културата на другите.

Работилниците се дел од проектот „Споделени хоризонти“ (Shared Horizons), #SharedHorizons компонента 2, имплементиран од АЛДА (ALDA – European Association for Local Democracy) и финансиран од „Expertise France“.