Прво загуби од Ѓоковиќ, па потоа го поддржа неговиот револуционерен предлог
Новак Ѓоковиќ обезбеди пласман во полуфиналето на Австралија Опен по победата над Александер Зверев, а по мечот германскиот тенисер иако разочаран од поразот, го пофали својот противник но не само поради прикажаната игра.
Имено, Ѓоковиќ на прес конференцијата изнесе револуционерен предлог, поради пандемијата на коронавирусот, АТП мора да направи промени и да ги намали патувањата со тоа што ќе донесе одлука на едно место да се играат неколку турнири по ред.
Тој преглог му се допадна и на Зверев кој смета дека така би се избегнал задолжителниот карантин во речиси сите земји во кои се одржуваат тениски турнири.
– Што се однесува до турнирите, се согласувам со Новак. Не можеме да имаме сезона во која мора толку многу да се патува. Повредите ќе продолжат да не „прогонуваат“, но постојат ограничувања во земјите во однос на тоа какви пасоши имате и можеби во некоја држава нема да смеете да влезете. Знам дека играчите од Јужна Америка ќе имаат големи проблеми и не смееме да си дозволиме да имаме таква сезона. Мислам дека АТП треба да размисли да имаме некое место како тука во Мелбурн каде би играле неолку недели. Би се одиграле неколку турнири по ред бидејќи во Европа и така е забрането да има навивачи на трибините. Тогаш каква е разликата каде би играле некој турнир. Може да се промени позадината, да се промени името на градот кое ќе биде напишано на теренот и да играме на едно место. Се согласувам со Новак за ова прашање и веќе зборував со него на оваа тема – изјави Зверев.