На свечена церемонија, што се одржа на 28 март во хотелот „Холидеј ин“, беа прогласени добитниците на првиот БЕАМ Фестивал на најдобри настани. Комисијата составена од 20 искусни и докажани професионалци во различни сектори од креативните индустрии, по однапред утврдени критериуми и правила оценуваше 65 пријави во 15 категории.

Победници по категории се:

Најдобар културен / музички настан – „Д Фестивал“ – „Пасворд Продукција“

Најдобар фестивал / манифестација – „Таксират Фестивал“ – „Пасворд Продукција“

Најдобар самит, конгрес или конференција – „Пин Конференција“ – „Пасворд Продукција“

Најдобар експо (саем) – Скопје виски фест – „Боттега Евенти“

Најдобар корпоративен настан – „Сто години Пивара“ – „Меккен“ Скопје

Најдобар настан за бренд активација – Schweppes Mixology – „Меккен“ Скопје

Најдобар настан за промоција на нов производ – „Омега денови“ – Божиновски часовници и накит

Најдобар НВО настан – „Играме заедно“ – „Аутизам“ ААМК

Најдобар настан на државна / јавна институција – „Илинденски денови“ – Центар за култура Битола

Најдобар спортски настан – „Виз Ер Скопски маратон“ – Сојуз на спортови на Скопје

Најдобра рентал компанија – „К енд Д Аудио“

Најдобра компанија за видео поддршка на настани – „Мунлајт“

Најдобра аутсорсинг компанија – О3 „Инвест“

Најдобро место за одржување настани – Филхармонија на РСМ

– Овој фестивал покажува дека настаните се важни за културата, за бизнисот, за невладиниот сектор, за државните и јавни институции, за спортот, буквално за секој сегмент од општеството. Затоа е важно и да бидат валоризирани. Со БЕАМ правиме пресек на годината што изминала и поттикнуваме натпревар со цел подигнување на креативноста и квалитетот на настаните. Им честитаме на сите добитници на БЕАМ наградата – велат организаторите.

БЕАМ Фестивалот е во организација на Асоцијацијата на ивент индустријата ИВАП, а произлезе како потреба за мапирање на индустријата и валоризирање на работата на професионалците. Фестивалот им оддава признание на креативните идеи и настани, но и ја потенцира важноста на настаните во општеството. БЕАМ ја слави креативноста, уникатноста, иновативноста и вредната и напорна работа на сите актери во индустријата за организација на настани.

Од БЕАМ за оваа есен ја најавуваат и првата конференција и саем на ивент индустријата, каде фокусот ќе биде ставен на едукација, вмрежување и отворање на бизнис можности за сите компании.