Прва жртва на коронавирусот во Република Српска
Во Бања Лука денес починала постара жена која е првата жртва на коронавирусот во Република Српска, а шеста во Босна и Херцеговина.
– Ја имаме првата жртва од коронавирусот во Република Српска. Тоа е постара госпоѓа која вчера е примена на Клиниката за инфективни болести и кај која е потврден коронавирусот – рече министерот за здравство на РС Ален Шераниќ, а пренесе РТРС.
Примена е со тешка клиничка слика и со развиено воспаление на белите дробови. Била болна и од низа на хронични болести, соопшти Шераниќ.
Жената била во контакт со личност која е позитивна на коронвирус.
Моментално на клиниката во Бања Лука од 28 пациенти, 25 се со средно-тешка клиничка слика, а три пациенти се на респиратор.