Прва лига: Нафиу за радост на Шкендија, Брегалница сигурна против Борец
Се одиграа денеска четири натпревари од 23 коло во Првата македонска фудбалска лига, составот на Брегалница дома со 3:0 беше подобра од Борец.
За штипјани по еднаш во листата на стрелците се запишаа Георгиев во петтата, Дамњановиќ во 63 и Миленковски во 91 минута од средбата.
Шкендија минимално (2:1) славеше над Тиквеш, Дориев во 21 минута донесе предност за тетовските „црвено-црни“, намалија составот од Кавадарци во 75 минута преку Вареловски, а конечниот епилог го постави Нафиу (90+1`).
Македонија ЃП изненадувачки само ремизираше 1:1 со Скопје, гостите рано уште во третата минута поведиа со голот на Хајдари, а за „лавовите“ од Ѓорче Петров бод донесе Воша (16`).
Академија Пандев со 1:0 ја совлада екипата на Струга Трим Лум, единствениот погодок на мечот беше дело на Шаркоски во 12 минута.
Табела: Шкупи 55 бодови, Академија Пандев 45, Шкендија 44, Македонија ЃП 40, Брегалница Штип 36, Ренова 32, Работнички 31, Струга Трим Лум 30, Скопје 22, Тиквеш 21, Борец 13, Пелистер 6.