Гвардиола: Арсенал повеќе нема да испушти бодови до крајот на сезоната
Менаџерот на Манчестер сити, Пеп Гвардиола е уверен дека фудбалерите на Арсенал нема да испуштат бодови до крајот на сезоната.
Ова значи дека „граѓаните“ мора да ги добијат сите преостанати натпревари за да ја одбранат титулата во Премиер лигата.
Моментно на табелата Арсенал е на првото место со 80 бодови од 35 натпревари, а на втората позиција е Манчестер сити со 79 бодови, но од 34 одиграни мечеви.
– Мислам дека Арсенал нема да испушти повеќе бодови. Ситуацијата е слична на онаа каде јас и Ливерпул се бркавме до последното коло. Ни остануваат уште четири натпревари. Ако ремизираме во еден од нив, нема да станеме шампиони – изјави Гвардиола.
Играчите на Микел Артета до крајот на сезоната имаат уште два домашни натпревари против Бурнмаут и Евертон и еден меч на гости против Манчестер јунајтед.
Манчестер сити ќе игра уште два натпревари пред своите навивачи против Вулверхемптон и Вест хем, и уште два на гости против Фулам и Тотенхем.
