Стотици жители на скопската општина „Ѓорче Петров“ денеска испратија порака до локалните власти: „Не за бетонизација“. Протестот кој се одржа изудтрината е против спорниот Детален урбанистички план во централниот дел на населбата. Тој план предвидува 30 нови згради, односно 4000 станови.

Иницијативата ,,Не за бетонизација на Ѓорче Петров” бара од општината повлекување на планот.

,,Граѓаните на Ѓорче Петров имаат сериозен проблем со водоснабдувањето, паркинг простор и загаденост на воздухот!
ДУПот наречен „Бетонски монструм“ кој предвидува нови 30тина згради со над 20 ката, 4000 станови и нови 10 илјади во општината сериозно ќе го наруши квалитетот на живеењето на ѓорчевци во нашата општина. Од таа причина бараме суспензија за изградба на висококатници, не не и за изградба на училиште и градинка во општината. Максимално поддржуваме изградба на училиште и градинка” вели Горан Симоновски од иницијативата.