Прво јавно претставување на методологијата за пресметка на Индексот на бирократија во Северна Македонија, ќе се одржи денеска во Скопје во организација на Македонија 2025, во рамки на проектот „Кон намалување на бирократскиот товар” поддржан од програмата Цивика мобилитас.

Индексот на бирократија е основан во 2016 година од Институтот за економски и општествени студии (INESS) од Словачка.

На настанот, како што најавуваат организаторите, свое обраќање ќе имаат Никица М. Блажевски – главен извршен директор на Македонија 2025, вицепремиерот задолжен за економски прашања Фатмир Битиќи, Сашо Клековски – стручен соработник и аналитичар и Филип Ивановски – извршен директор на ПАКОМАК.

Проектот „Кон намалување на бирократскиот товар”, се вели во соопштението, има за цел да придонесе кон намалување на бирократскиот товар врз компаниите со цел побрз раст, зголемување на вработувањата и извозот, како и да обезбеди меѓународна споредба на бирократскиот товар, особено за микро, малите и средни претпријатија.