Времето денеска претпладне ќе биде променливо облачно, а по одделни котлини се очекува појава на утринска магла, најавуваат од Управата за хидрометеоролошки работи.

Попладне се прогнозира нестабилно време со повремен локален дожд и со грмежи.

На одредени места се очекува пороен дожд од над 15 литри на квадратен метар, силен ветер со брзина поголема од 60 километри на час, како и можност за краткотрајно невреме со појава на град.

Утринските температури ќе се движат од 11 до 19 степени, додека дневните ќе достигнат од 23 до 35 степени Целзиусови.

Во Скопје времето ќе биде променливо облачно и нестабилно, со повремени врнежи од дожд, грмежи и засилен ветер. Во делови од котлината ќе има услови за краткотрајно невреме со пообилен пороен дожд и појава на град.