Полицијата во Белорусија приведе 20 демонстранти, кои вчера повторно се собраа на плоштадот во центарот на Минск да протестираат, барајќи оставка на белорускиот лидер Александар Лукашенко.

Новите апсења на демонстрантите, кои се на улиците повеќе од две недели, следуваа по зголемениот притисок од властите врз опозицијата.

Неколку активисти се уапсени во последните неколку дена, додека други беа повикани на разговор, а на десетици демонстранти им е наредено да се појават на суд.

Протести се одржаа и во останатите белоруски градови, а толпа луѓе се собра и пред белоруската амбасада во украинската престолнина Киев.

Протестите почнаа по објавувањето на официјалните резултати од претседателските избори на 9 август, според кои Лукашенко го освои шестиот последователен претседателски мандат со 80 проценти од гласовите, а неговата противничка Светлана Тихановскаја помалку од 10 отсто од гласовите.

Опозицијата смета дека изборите биле нерегуларни и повика тој да си даде оставка по 26 години власт. 

Илјадници граѓани од цела територија на Белорусија бараат правдата на улиците речиси 20 дена.

КУЛТУРНИ ДЕМОНСТРАНТИ: Белорусите го рушат Лукашенко, но и прават работи кои го воодушевуваат светот (ФОТО+ВИДЕО)

Во меѓувреме поголем број демонстранти беа брутално нападнати од полицијата, како и малтретирани откако многумина од нив беа приведени.

Модри од пендреци и ѓонови – лекар сведочи за демонстрантите претепани од полицијата во Минск (ФОТО)

Лукашенко пристигна во резиденцијата во Минск со пушка во рака (ВИДЕО)

На Лукашенко му се случи исто како и на Чаушеску, работниците му го прекинаа говорот (ВИДЕО)