Властите во Газа ја завршија потрагата по масовните гробници во болница на југот на појасот и соопштија дека откриле вкупно 392 тела, вклучително и некои кои сè уште носат хируршки наметки, пишува Си-ен-ен.

Официјален претставник на палестинската цивилна одбрана во Газа рече дека работниците идентификувале 165 тела во медицинскиот комплекс Насер во Кан Јунис, по повлекувањето на израелските сили од областа претходно овој месец.

Тие се уште ги испитуваат преостанатите 227 тела за да го утврдат нивниот идентитет, рече Мохамед Ал Мигајер на прес-конференцијата во Рафах.

„Најдовме три масовни гробници, првата пред мртовечницата, втората зад мртовечницата и третата северно од зградата за дијализа“, додаде тој.

Израелските одбранбени сили (ИДФ) рекоа дека секоја сугестија дека ги закопала палестинските тела во масовни гробници е лажна и дека гробот во комплексот Насер бил ископан од Палестинците во Газа пред неколку месеци.

Цивилната одбрана на Газа призна дека околу 100 тела биле закопани во гробовите во болницата Насер пред операцијата на ИДФ.

Новинарот на Си-Ен-Ен, кој го посети местото на настанот во неделата, разговараше со луѓе кои рекоа дека ги закопале телата на членовите на семејството кои беа убиени во околината на болницата како дел од привремена мерка во јануари. Кога се вратија по повлекувањето на израелската војска на 7 април, открија дека телата биле ископани и потоа ставени во најмалку една колективна гробница, не сите на почетните места каде што биле закопани,
Палестинската цивилна одбрана, исто така, покажа графички слики на ТВ екранот на прес-конференцијата. Си-Ен-Ен ги прегледа фотографиите на кои изгледаат неколку речиси непрепознатливи тела во комплексот. Сликите вклучуваат и тела на распаднати деца.

Новинарот кој го посети местото на настанот во неделата и понеделникот виде неколку распаднати тела во хируршки наметки. Фотографиите што ги прегледа CNN покажуваат дека неколку тела сè уште носат болнички нараквици.

Снимката на Си-Ен-Ен покажува и неколку други детски тела распаднати во комплексот.

Ал Мигајер рече дека цивилната одбрана „сведочила на присуство на детски тела во масовните гробници во медицинскиот комплекс Насер, што докажува злосторства на геноцид“.

Додека групата вели дека сè уште ги испитува телата, тие се сомневаат дека најмалку 20 цивили се живи закопани во комплексот, но не објасни како го знае тоа, ниту понуди доказ, додека продолжува да истражува.

Ал Мигајер, исто така, тврдеше дека имало случаи на егзекуции на пациенти кои биле на лекување во болницата. Тој рече дека биле пронајдени неколку тела со прострелни рани во главата и повреди на нивните тела.

Си-Ен-Ен не може да ги потврди овие тврдења и не може да ги потврди причините за смртта на оние чии тела се откопуваат, а не се знае кој е одговорен за нивната смрт.

Си-Ен-Ен интервјуираше татко пред камера во моментот кога го идентификуваше распаднатото тело на неговиот 15-годишен син од облеката што ја носел.

Човекот се загледа во безживотното тело на својот син, покажувајќи кон него и рече:

„Тоа е мојот син, можам да забележам од неговата блуза“.

На снимката се гледа како тој клекнува и ја држи главата на својот син, ја прегледува одзади и уште еднаш потврдува дека тоа е неговиот син.

„О Боже, тој е мртов. Тој е мртов“, рече тој, бришејќи ги солзите.

Ал Мигајер на прес-конференцијата рече дека палестинската цивилна одбрана во Газа „открила траги од тортура на некои тела.

Ал Мигајер додаде дека израелските сили закопале неколку тела во пластични кеси „на длабочина од три метри, поради што брзо се распаѓале“.

„Окупацијата намерно ги сокри доказите за нејзините злосторства во комплексот Насер со менување на пластичните обвивки повеќе од еднаш“, тврди тој.

Видеото снимено од Си-Ен-Ен покажува тела завиткани во три различни обоени покривки: бела, црна и сина.

Израелските одбранбени сили (ИДФ) не одговорија на конкретни прашања во врска со наводите што се изнесуваат во врска со гробните места.