Проблеми со увозот на некои суровини од регионот, застој и на транспортор од Турција
Решавањето, на проблемот со транспортот во Турција се одвива отежнато и бара упорност, вели Јовановски.
Сé уште не е решен проблемот со задржувањето на македонските камиони на турските граници и застојот на транспортот во Турција, а се прават напори и за обезбедување суровини од регионот за потребите на домашните производствени компании, соопшти денеска Стопанската комора на Македонија.
– Претседателот на Стопанската комора, Бранко Азески е во континуирана комуникација со колегите од сите стопански комори од регионот. Комуникацијата се одвива преку мрежата на Коморскиот инвестициски форум и мрежата на Асоцијацијата на европски комори за комерција и индустрија, соопшти главниот советник за економски прашања на Управниот одбор на Комората, Зоран Јовановски.
Според него, целта е да се обезбеди непречено снабдување на македонските компании со суровини и репроматеријали, особено за производите кои се неопходни за задоволување на основните животни потреби на населението и производите кои се поврзани со справување и спречување на ширењето на коронавирусот.
Решавањето, на проблемот со транспортот во Турција се одвива отежнато и бара упорност, вели Јовановски.