Приведени двајца фудбалери на Беса по нападот на голманот на Аеродром
Во инцидент што се случи вчера во Кумановско Слупчане, за време на натпреварот од Третата лига Север помеѓу ФК Беса и ФК Аеродром, голманот на Аеродром беше физички нападнат од двајца фудбалери на домашниот тим. Нападнатиот голман беше пренесен во болница во Скопје со тешки телесни повреди.
Препорачано
Полицијата по интервенцијата ги лиши од слобода двајцата фудбалери од ФК Беса, О.Д. (32) и Е.А. (18), кои се осомничени за нападот. Полицијата во Куманово презема мерки за целосно расчистување на случајот и откривање на сите инволвирани лица. Против нив ќе бидат поднесени соодветни пријави, соопштија од Министерството за внатрешни работи (МВР).
„На 26.10.2025, во 18:30 часот, полициски службеници од СВР Куманово ги лишија од слобода О.Д. и Е.А., играчи на фудбалскиот клуб Беса од Слупчане, поради тоа што на фудбалски натпревар физички нападнале играчи од гостинскиот клуб Аеродром. СВР Куманово презема мерки за расчистување на случајот“, се наведува во соопштението од МВР.
Преземено од: Спорт.ком
