Екипата на Челси се соочи со сериозни санкции од Премиер лигата, откако беше утврдено дека клубот прекршил одредени правила во периодот кога беше во сопственост на Роман Абрамович. Лондонскиот клуб ќе треба да плати казна од 12,3 милиони евра, а доби и условна забрана за трансфери во следните две години.

Проблемите излегоа на виделина откако новите сопственици на Челси самите пријавија можни неправилности во претходното работење на клубот. По спроведената постапка, Премиер лигата ги потврди санкциите.

„Завршени се две одвоени дисциплински постапки против Челси откако клубот доброволно пријави потенцијални прекршувања на правилата во минатото“, се наведува во соопштението на лигата.

По разгледувањето на случајот, независна комисија постигнала договор со клубот за санкциите. Според тој договор, Челси се согласи да плати вкупно 12,3 милиони евра. Прекршувањата се поврзани со финансиското известување, инвестиции од трети страни и правилата за развој на млади фудбалери.

Освен финансиската казна, на клубот му се изречени и спортски мерки. Академијата на Челси доби деветмесечна забрана за трансфери, додека за првиот тим е изречена едногодишна забрана за доведување нови играчи. Сепак, таа мерка засега е условна и ќе важи во период од две години.

BREAKING: Chelsea have been fined £10.75m by the Premier League and handed a one-year transfer ban suspended for two years 🚨

They have also been given a nine month Academy transfer ban. pic.twitter.com/3gZMvDOTvj

— Sky Sports News (@SkySportsNews) March 16, 2026