Фудбалскиот клуб Брегалница е на чекор до добивање нов сопственик, потврдија денеска од штипскиот клуб на прес-конференција одржана во клупските простории.

На настанот присуствуваше и градоначалникот на Штип, Иван Јорданов, кој откри дека разговорите со заинтересираниот инвеститор се во завршна фаза и дека наскоро се очекува конкретна одлука.

„Интезивно комуницираме со заинтересираниот спонзор кој веќе го осети клубот. Информиран е за сè во клубот. Разговараме во насока на носење одлуката на следната седница на општина Штип за продажба на 51% од акциите на клубот. Јас верувам дека тоа ќе се случи и очелувам вистински партнер кој ќе го трасира патот за успех на Брегалница“, изјави Јорданов.

Во изминатиот период во јавноста се појавија информации дека потенцијалниот нов сопственик на Брегалница е инвеститор од Германија, но засега официјална потврда за тоа нема.