Во текот на работната недела не мора дополнително да се изморувате со приготвување комплициран ручек за кој ќе ви требаат неколку часови. Комбинацијата на Алфредо тестенини и пилешко е толку едноставна, а многу вкусна опција за ручек.

За подготовка на овој ручек ќе ви треба само половина час, а можете да го комбинирате и со салата по ваш избор.

Состојки:

– 2 парчиња пилешки гради
– 350 мл млеко
– 350 мл пилешки бујон
– 125 мл павлака за готвење
– 1 пакување тестенини
– 150 грама рендан пармезан
– 2 лажици маслиново масло
– 2 чешниња лук
– бибер
– сол
– свеж магдонос

Подготовка:

Загрејте го маслиновото маслото во голема тава и додадете го пилешкото месо, сол и бибер. Пржете го пилешкото околу 10 минути додека не порумени. Оставете го малку настрана да се излади и потоа исечете го на ленти.

Во тавата каде што сте го испржиле пилешкото, додадете млеко, пилешки бујон и лук, па исто така додадете малку сол и бибер. Додадете ги тестенините и варете со постојано мешање, додека не биде ал денте.

На крајот измешајте ја павлаката за готвење и ренданиот пармезан, па додадете го во сосот и гответе додека не се згусне.

Сервирајте ги тестенините и одозгора додадете го исечканото пилешко. Ако сакате да го интензивирате вкусот на ова јадење, додадете свеж магдонос.