Пратеничките од ВМРО-ДПМНЕ Невенка Стаменковска и Жаклина Пешевска, како и група граѓани утринава се обидоа да влезат на судското рочиште „ТНТ“ кое се одржува во Кривичниот суд во Скопје.

Од групата изјавија дека сакаат да влезат на рочиштето, но од безбедносни причини од страна на судот не биле пуштени.

Од судот пак велат дека групата не е пуштена да влезе бидејќи бил исполнет капацитетот на судницата.

Во „ТНТ“, првообвинет е избеганиот во Унгарија Никола Груевски, кој нареди да му биде уништен со експлозив објектот „Космос“ на Цаноски, затоа што во 2011 година ја прекина коалицијата со ВМРО-ДПМНЕ. Потоа, Миле Јанакиески како координатор на целата акција на незаконското уривање, ексградоначалникот на Гази Баба Тони Трајковски како логистика и други обвинети од општината.