Голем број граѓани и денеска, на неколку часа пред почетокот на полицискиот час ги „окупираа“ локалните продавници и супермаркети.

Гужвата за набавака на основните прехрамбени продукти се должи на зголемениот број на заразени од коронавирус, по што вчера Владата на Македонија донесе одлука повторно да биде активирана одлуката за полициски час кој ќе започне вечерва во 21 часот и ќе важи се до понеделник, до 5 часот.

Во сите останати градови се забранува движење на сите граѓани од вечер, од 21 часот до наредниот ден, до 5 часот наутро. В петок, сабота, недела во овие градови забраната започнува од 16 часот и трае до следниот ден до 5 часот наутро.

Петок е прогласен за неработен ден за сите граѓани. Владата ја донесе оваа одлука на вчерашната 60-та седница, согласно препораките на Комисијата за заразни болести.

Од вечер, од 21 часот до понеделник, до 5 часот, се забранува посета на гробиштата на територијата на цела држава, освен за погреби.