Во втората сезона на поткастот „Со Ана на ТИ“ кој се емитува на јутјуб каналот на „Слободен печат“, започнуваме со разговор полн љубов, болка и сила. Прва гостинка е Анастасија Ѓорѓиеска, мајката на Андреј од „ДНК“, кој на 16 март годинава херојски го загуби животот спасувајќи други деца во трагичниот пожар во дискотеката „Пулс“ во Кочани. Иако нема зборови за утеха и ништо не може да ја намали болката од загубата на своето чедо, Анастасија собра сила во чест на нејзиниот и наш Андреја да ја раскаже неговата трагична но и топла приказна. Целиот поткаст ќе можете да го гледате вечерва на јутјуб каналот на „Слободен печат“ во 19:00.

Топла, емотивна и трогателна приказна — за љубовта што не згаснува, за музиката што останува, и за силата на една мајка која го носи своето дете во секој здив.

„Со Ана на ТИ“ — нова сезона, нови приказни што ќе ве потсетат колку е важно да чувствуваме, да разбереме, да сакаме и да не забораваме.