Португалскиот претседател повторно не го потпиша законот за евтаназија
Претседателот на Португалија Марсело Ребело де Соуса по вторпат одби да го потпише законот со кој се дозволува евтаназија и потпомогнато самоубиство, со образложение дека тој е непрецизен.
Со тоа законот за евтаназија е одложен до изборот на нова влада и парламент на почетокот на следната година.
Ребело де Соуса, католик и многу популарен претседател, веќе покажа резервираност кон законот, чија прва верзија ја испрати до највисокиот суд во земјата на почетокот на оваа година.
Уставниот суд тогаш го отфрли законот затоа што ја немаше „неопходната строгост”.
Во првобитната верзија на законот како предуслов за евтаназија се бараше „фатална болест”, додека во новата верзија во некои формулации се наведува „неизлечива” или „сериозна” болест.
Во претежно католичка Португалија, законот за евтаназија е поддржан од партиите на левиот центар, како и законите за абортус и истополови бракови од 2007. и 2010 година.
Извор: МИА