Поетски рецитали на Јане Теохаревски се дел од Темишвар 2023 – Европска престолнина на културата
Aкционизмот „Без омраза и без граници“ повикува на распознавање на феноменот на омразата, како една реалност на денешнината. Една од вредностите на светлината како метафора („Осветли го градот преку тебе“, слоганот на Темишвар 2023 – Европска престолнина на културата), се однесува и на енергијата и креативната сила испратена од овој годинешен европски град на културата кон сиот свет, во овој случај со надеж за анулирање на омразата и со надеж за една ренесанса, преку хуманост и култура.
Во темишварската населба „Калеа Шагулуи“, токму на улицата „Александру Мачедонски“, пристигнува реинкарнираниот романски поет Александру Мачедонски (1866-1920), татко на романскиот симболизам кој, на повеќе јазици (романски, македонски, руски, украински, англиски, бугарски, грчки, албански, унгарски итн.), чита една од неговите песни „Омраза“, но и „Мојот рондел“, каде се извинува за чувствата за силната омраза која ја чувствувал порано. Рецитира, на присутните жители и минувачи им ги поделува спомнатите поезии и со нив споделува лични искуства и мислења за омразата, воопшто.
Во улога на Мачедонски во рамките на програмата Темишвар 2023 – Европска престолнина на културата се појавува Јане Теохаревски, историчар на уметноста и автор на проектот. Настанот ќе се одржи кон крајот на месец мај, а е поддржан од Фондацијата „Заев“ и Стопанската и индустриска комора на Прахова, Романија.