Португалското обвинителство поднесе обвинение против четворица мажи, вклучително и државјани на Србија, Црна Гора и Велика Британија, обвинувајќи ги дека се дел од меѓународна група која се обидела да пренесе еден тон кокаин.

Пазарната вредност на дрогата се проценува на неколку десетици милиони евра.

Дел од дрогата е пронајден на бродот, пред да биде внесена во двојното дно и подготвена за понатамошен транспорт, а остатокот е пронајден во луксузна вила.

Истражителите заклучиле дека дрогата требало да се пренесе со едрилица од Португалија во други европски земји. Групата ја купила дрогата од Мексико.