Почнува новата сезона во Евролигата – Црвена звезда го чека Асвел, Партизан игра во Тел Авив
Денеска ќе стартува новата натпреварувачка сезона 2023/2024 во кошаркарската Евролига, а титулата ја брани екипата на Реал Мадрид. Оваа сезона ќе настапат и најголемите српски гиганти, белградските ривали Партизан и Црвена звезда. Од 19.00 часот на домашен терен Црвена звезда ќе го пречека Асвел, а нешто подоцна Партизан ќе му гостува на Макаби во Тел Авив.
Големо внимание се очекува да привлече и секако и грчкото дерби кои ќе се игра в петок помеѓу Панатинаикос и Олимпијакос, додека Реал Мадрид за противник во првото коло ја има Басконија.
Евролигата од оваа сезона воведе плеј-ин турнир. Досега во четвртфиналето се пласираа екипите од првото до осмото место на табелата, а сега седмото и осмото место ќе одиграат по еден натпревар и победникот директно оди во плеј-офот.
𝗘𝗩𝗘𝗥𝗬 𝗚𝗔𝗠𝗘 𝗠𝗔𝗧𝗧𝗘𝗥𝗦 is a philosophy of life 🧠
Whether in an arena or playing street ball, Every second of every game matters. Every possession, every defense matters!
Wherever it's played, giving up is not an option 🛑
The EuroLeague is back#EveryGameMatters pic.twitter.com/VPOYdHgXJT
— Turkish Airlines EuroLeague (@EuroLeague) October 3, 2023
Поразениот тим од тој дуел три дена подоцна ќе игра против победникот од дуелот меѓу екипите кои во регуларниот дел го зазедоа деветото и 10 место на табелата. Домаќини на секој натпревар во плеј-ин ќе бидат екипите кои беа подобро пласирани на табелата во регуларниот дел.
Регуларната сезона во Евролигата ќе трае до 12 април 2024 година. Плеј-ин турнирот ќе се игра од 16 до 19 април, плеј-офот ќе започне на 23 април, а ќе заврши најдоцна на 8 мај. Фајнл-форот на Евролигата ќе се одржи од 23 до 26 мај во Берлин, Германија.
Евролига 2023/2024
Прво коло, двојки –
Денеска
19.00 часот Црвена звезда – Асвел Лион Вилербан
20.05 часот Макаби Тел Авив – Партизан
20.30 часот Барселона – Анадолу Ефес
20.30 часот Баерн – Алба Берлин
20.30 часот Виртус Болоња – Жалгирис Каунас
Петок
19.45 часот Фенербахче – Олимпиа Милано
20.15 часот Панатинаикос – Олимпијакос
20.30 часот Баскониа – Реал Мадрид
20.30 часот Валенсија – Монако