Почина Мино Рајола, еден од најпознатите фудбалски агенти во светот
Фудбалскиот агент Мино Рајола почина во 54 година од животот, тоа денеска го објави неговото семејство преку социјалните мрежи.
Пред два дена беше објавено дека е починат еден од најпознатите фудбалски агенти, а потоа самиот тој демантираше дека не е точна ваквата информација.
Потсетување дека тој беше хоспитализиран во Милано во јануари и опериран, но природата на болеста не беше откриена, закрепнуваше во својот дом. Има информации дека Рајола имал сериозни проблеми со белите дробови.
Беше една од највлијателните фигури во фудбалот, посредувајќи мега-зделки во кои се вклучени некои од најистакнатите играчи. Беше претставник на ѕвезди како Пол Погба, Ерлинг Халанд, Златан Ибрахимовиќ, Ромелу Лукаку, Марио Балотели, Марко Верати и Хенрих Мхитарјан.
— Mino Raiola (@MinoRaiola) April 30, 2022
– Во нашата бескрајна тага, ја споделуваме смртта на најгрижливиот и најпрекрасен фудбалски агент што некогаш бил. Мино се бореше до крај со истата сила што ја стави на преговарачките маси кога ги претставуваше нашите играчи. Како и обично, Мино нè направи горди, но никогаш не го сфати тоа.
Делото на Мино допре многу животи и напиша ново поглавје во историјата на модерниот фудбал. Ќе ни недостасува засекогаш. Мисијата на Мино да го направи фудбалот подобро место за играчите ќе продолжи со истата страст. Им благодариме на сите за огромната поддршка што ја добивме во овие тешки моменти и молиме за приватноста на семејството и пријателите во ова време на тага – стои во објавата на официјалниот профил на Рајола.