Марша Лукас, добитничка на Оскар и монтажерка на филмот „Војна на ѕвездите“ од 1977 година, почина на 80-годишна возраст по борба со ракот. Веста ја потврди нејзината адвокатка Деидре фон Рок, пренесуваат странските медиуми.

Лукас беше една од најважните монтажерки на ерата на Новиот Холивуд, а нејзината работа обележа голем број филмови од 1970-тите и 1980-тите.

Покрај тоа што освои Оскар за монтажа на оригиналниот „Војна на ѕвездите“, таа работеше и на филмовите „Враќањето на џедаите“ и „Американски графити“, во режија на Џорџ Лукас. Таа беше дел и од тимот за монтажа на филмовите на Мартин Скорсезе „Таксист“, „Алис повеќе не живее тука“ и „Њујорк, Њујорк“. Таа често е опишувана и како „неопеан херој“ на „Војна на ѕвездите“.

Родена е како Марша Грифин во Модесто. По разводот на нејзините родители, се преселила со мајка си во Лос Анџелес, каде што почнала да работи како филмска библиотекарка, а потоа како уредничка на реклами, трејлери и промотивни филмови. Беше во брак со Џорџ Лукас од 1969 до 1983 година. Зад себе ги оставила ќерките Аманда Лукас и Ејми Сопер.