Почина легендарниот англиски фудбалер Боби Чарлтон
Легендарниот англиски фудбалер, Боби Чарлтон, почина на 86-годишна возраст, пренесуваат англиските медиуми.
Во текот на својата професионална кариера Сер Боби Чарлтон со Манчестер јунајтед трипати беше шампион на Англија, еднаш го освои ФА купот, а беше и европски првак во сезоната 1967/1968.
Многумина го сметаат како најдобар англиски фудбалер на сите времиња, а во 1966 година ја освои и „Златната топка“.
– Со голема тага ја споделуваме веста дека Сер Боби помина мирно во раните утрински часови во саботата. Тој беше опкружен со своето семејство – изјава на семејството.
Со репрезентацијата на Англија ја освои светската титула во 1966 година, на Мундијалот кој се одржа токму во неговата земја трипати се запиша во листата на стрелците.
Sir Bobby Charlton, the Manchester United and England legend, has died aged 86. pic.twitter.com/Rv4r2tHyKC
— Sky Sports News (@SkySportsNews) October 21, 2023