Почина комичарот Боб Сагет: Актерот пронајден мртов во хотелска соба
Aмериканскиот комичар, актер и водител Боб Сагет почина на 66-годишна возраст, пренесуваат странските медиуми.
Причината за смртта на Сагет засега не е позната. Брзата помош го пронашла актерот во соба во хотелот Риц-Карлтон во Орландо во неделата попладне.
View this post on Instagram
Тој бил прогласен за мртов на местото на настанот, соопшти канцеларијата на шерифот на округот Оринџ, додавајќи дека не се пронајдени знаци на насилство или употреба на дрога.
Комичарот веќе неколку месеци беше на турнеја, која беше предвидена да трае до мај годинава.
View this post on Instagram
Тој во саботата вечер имал настап во концертната сала Понте Ведра, а подоцна на социјалните мрежи „Твитер“ и „Инстаграм“ ѝ се заблагодари на публиката за одличната реакција.
Loved tonight’s show @PV_ConcertHall in Jacksonville. Appreciative audience. Thanks again to @RealTimWilkins for opening. I had no idea I did a 2 hr set tonight. I’m happily addicted again to this shit. Check https://t.co/nqJyTiiezU for my dates in 2022. pic.twitter.com/pEgFuXxLd3
— bob saget (@bobsaget) January 9, 2022
Сагет се прослави по улогата во серијата „Full House“ и како водител на шоуто „Funny Home Video“.