Почина комичарот Боб Сагет: Актерот пронајден мртов во хотелска соба

боб сагет
Боб Сагет / Фото: EPA-EFE/Instagram

Aмериканскиот комичар, актер и водител Боб Сагет почина на 66-годишна возраст, пренесуваат странските медиуми.

Причината за смртта на Сагет засега не е позната. Брзата помош го пронашла актерот во соба во хотелот Риц-Карлтон во Орландо во неделата попладне.

 

View this post on Instagram

 

A post shared by Bob (@bobsaget)

Тој бил прогласен за мртов на местото на настанот, соопшти канцеларијата на шерифот на округот Оринџ, додавајќи дека не се пронајдени знаци на насилство или употреба на дрога.

Комичарот веќе неколку месеци беше на турнеја, која беше предвидена да трае до мај годинава.

 

View this post on Instagram

 

A post shared by Bob (@bobsaget)

Тој во саботата вечер имал настап во концертната сала Понте Ведра, а подоцна на социјалните мрежи „Твитер“ и „Инстаграм“ ѝ се заблагодари на публиката за одличната реакција.

Сагет се прослави по улогата во серијата „Full House“ и како водител на шоуто „Funny Home Video“.

Видео на денот