Поранешниот италијански фудбалски репрезентативец Бруно Болки почина на 82-годишна возраст, соопшти милански Интер.

Болки беше првиот фудбалер, кој се најде на сликичка на „Панини“. Оваа слика е отпечатена на 27 август 1961 година, а на неа е прикажан Болки во дресот на Интер.

Играше за миланските „нераѕури“ во периодот од 1958 до 1963 година, а за клубот постигна 10 гола на 109 натпревари.

Со Интер ја освои титулата во Серија А и Европскиот куп. Потоа играше за Верона, Аталанта и Торино, а кариерата ја заврши во 1970 година. За репрезентацијата на Италија одигра вкупно четири натпревари.

По завршувањето на својата професионална кариера, ги тренираше Месина, Аталанта, Бари, Бреша, Лече, Чезена, Монца, Џенова, Тернана, Катанцаро, Реџина, Авелино, Лукезе, Новара и Арецо.

Nella notte ci ha lasciato all'età di 82 anni Bruno Bolchi, ex giocatore ed allenatore. Ricordato anche per essere diventato, il 27 agosto1961, il primo giocatore ad essere rappresentato in una figurina Panini.

Ciao "Maciste" ? pic.twitter.com/0BBBcM2CgQ

— Figurine Panini (@figurinepanini) September 28, 2022