Победа над Израел и историско трето место за Македонија

Во последниот натпревар од квалификациите за ЕП 2020 македонската фудбалска репрезентација вечерва на Националната арена „Тодор Проески“ – Скопје триумфираше минимално над Израел со 1:0.

Уште во првата минута можеше да поведе нашата селекција, но топката после ударот на Барди заврши само неколку сантиметри покрај левата статива на голманот Харуш.

Веднаш во следната втора минута уште една убава можност за реализација на избраниците на селекторот Ангеловски, Елмас го погоди само израелскиот голман.

Можеше да стигне казната во 15 минута кога убава топка доби Даса кој шутираше непосредно пред петерецот, но победник во овој дуел за наша среќа беше Димитриевски кој одлично реагираше.

Четири минути подоцна една убава акција започнаа Елмас и Барди, беше пронајден младиот Костадинов чиј удар за жал не беше толку силен и топката заврши покрај голот на гостите.

Прочитајте и...  Федерер: Се ближи крајот, ќе ми недостасува тенисот

Во 37 минута слободен удар за Барди кој е „специјалист“ за вакви позиции, од околу 25 метри ја погоди пречката за само воздишки на трибините, но барем го стави на тешки маки голманот Харуш. Д. Велкоски иако игра во одбраната, знае исто така да биде незгодна закана за чуварите на мрежата, шутираше за малку покрај голот.

Конечно сиот налет се исплати пред финишот на првото полувреме, после еден изведен корнер, во казнетиот простор се најде Николов кој ја казни грешката на израелскиот голман кој воедно беше блокиран, а нашиот играч го искористи моментот и шутираше во небранетиот дел за водство и голема радост на трибините (1:0).

Израелците почнаа да напаѓаат на стартот од второто полувреме, трипати шутирааа во рамките на нашиот гол, но Димитриевски не дозволуваше израмнување.

Прочитајте и...  Германски новинар за утре најавува поголема сензација од враќањето на Алонсо во Формула 1

Не бевме толку опасни во нападот како во првото полувреме, тешко „доаѓаше“ тој втор погодок, за што посигурна позитива, а противниците опасно кружеа околу шеснаесетникот на македонскиот голман.

Во второто полувреме преовладуваше силен дожд што го направи теренот потежок за играчите. На крајот победа на Македонија, а убава вест дојде и од Полска каде што домаќинот славеше со 3:2 над Словенија што значеше и трето место во групата, наша најдобра позиција во историјата на квалификациите за нашата репрезентација.

Квалификации ЕП 2020

Национална арена „Тодор Проески“ – Скопје

Македонија-Израел 1:0 (1:0)

(Николов 45+2`)

Македонија: Димитриевски, Ристевски, Муслиу, Костадинов, Пандев (Аврамовски 79`), Ристовски. Д. Велкоски (Зајков 72`), Николов, Барди, Стојановски (Несторовски 60`), Елмас.

Прочитајте и...  Агенција за филм: Сметало некому или не, работиме транспарентно, правно и праведно и така и ќе продолжиме

Прочитај повеќе

Суарез го испрати Еспањол во втората лига (ВИДЕО)

Слободен печат

Аталанта е неверојатна, петта победа во петтиот натпревар во паузата

Слободен печат

Ливерпул продолжува во шампионски ритам, Сити го растури Њукасл и постави неверојатен рекорд

Слободен печат

Федерер: Се ближи крајот, ќе ми недостасува тенисот

Слободен печат

Само на Пике може да му текне на натпревар да дојде со – велосипед (ВИДЕО)

Слободен печат

Елмас подобар од капитенот Пандев

Слободен печат

1 comment

m-r.Slobodan Dimitrovski 20/11/2019 - 12:51 at 12:51

АЛО БЕЕЕ ЕЕЕЕЈ КОЕ ИСТОРИСКО МЕСТО ЛЕЛЕ АКО ПАК ВЛЕЗЕВМЕ НА АПРИЛИЛИ ШТО ЌЕ БЕШЕ ТОГАШ? АМА ТАА СРПСКАТА НИЈЕ ВАЖНО ПОБЕДИТИ ВАЖНО ЈЕ УЧЕСТВОВАТИ И СЕКОГАШ ОД ДРУГ ДА ТИ ЗАВИСИ РЕЗУЛТАТОТ? ИДИ БЕГАЈ!

Reply

Остави Коментар

Прочитај повеќе

Белгискиот суд ја поништи титулата на Бриж

Слободен печат

Поминаа шест години од најголемото понижување на „кариоките“(ВИДЕО)

Слободен печат

Нов шок за навивачите на Ливерпул, и Алкантара не доаѓа на „Енфилд“?

Слободен печат

Барселона нема скршено евро во касата, а го сака двоецот од Тотенхем

Слободен печат

Ренова го презентира засилувањето од БиХ, Хушиќ

Слободен печат

И Виландер застана на страната на Ѓоковиќ: Тој не е експерт, Владата му даде дозвола

Слободен печат