Ковачницата на пари во САД престана да произведува „центи“ најмалата апоенска вредност во долари, за да заштеди пари и затоа што монетата што некогаш можеше да се користи за купување ужина или бомбони станува сè помалку корисна. Последните центи беа ковани во ковачницата на пари во Филаделфија, каде што се произведуваат најмалите монети во долари од 1793 година, само една година откако Конгресот на САД го донесе Законот за монети.

Службениците изјавија дека последните неколку центи ќе бидат продадени на аукција.

– Ќе им заштедиме на даночните обврзници 56 милиони долари – изјави пре

тставникот на американското Министерство за финансии Брендон Бич непосредно пред да го притисне копчето за да се коваат последните „центи“.

Овие монети остануваат законско средство за плаќање, но нема да се произведуваат нови.

– Ковањето на некои монети престана во 1857 година, како монетите од половина цент – рече Бич.

Претседателот Доналд Трамп нареди крај на „центите“ бидејќи трошоците за негово ковање се зголемија речиси четири пати од нејзината номинална вредност, а деноминацијата ретко се користи, иако милијарди од нив остануваат. Сепак, многу луѓе се носталгични за „центите“ верувајќи дека носат среќа или ги собираат за забава.

Некои трговци изразија загриженост бидејќи залихите на „центите“ се намалија во последните недели како што се приближуваше крајот на производството. Некои ги заокружуваа цените. Други ги замолија муштериите да ја донесат точната сума. Покреативните меѓу нив делеа награди, како бесплатни пијалаци, во замена за еден куп „центи“.