Италијанската инфлуенсерка Јулија Бурцева почина по естетска операција што ја извршила во Москва. Таа имала 38 години, пишува „Пипл“.

Како што пренесува рускиот портал „MSK1“, Бурцева на 4 јануари била подложена на хируршка интервенција во приватна клиника. Откако нејзината здравствена состојба нагло се влошила, била пренесена во болница, каде подоцна била прогласена за почината.

 

View this post on Instagram

 

A post shared by Юлия Бурцева 🇮🇹 (@burtseva_italia)

Московскиот истражен комитет отвори истрага поради сомнежи за можно несовесно лекување и немар.

„Во најкус можен рок ќе биде обезбедена целокупната службена и медицинска документација. Следуваат низа форензички вештачења, вклучувајќи и медицинско“, соопштија од истражните органи.

Јулија Бурцева последната објава на социјалните мрежи ја споделила токму на денот на операцијата. Таа објавила видео од кафуле во Москва со пораката: „Добро утро, Москва“.

По веста за нејзината смрт, бројни следбеници се простуваат од неа преку социјалните мрежи и упатуваат изрази на сочувство до нејзиниот сопруг Џузепе.