Планот беше да се ликвидира Хамнеи кон средината на оваа година, вели израелскиот министер за одбрана Кац
Израелскиот премиер Бенјамин Нетанјаху уште во ноември постави цел да биде ликвидиран тогашниот врховен лидер на Иран, Али Хамнеи, изјави израелскиот министер за одбрана на Израел Кац
Препорачано
Во интервју за телевизијата „Чанел 12“, Кац рече дека по консултации со израелската војска (ИДФ) и разузнавачката служба Мосад бил одреден и временски рок за операцијата.
„Во договор со ИДФ и Мосад, целниот датум на крајот беше поставен за средината на оваа година, околу јуни“, изјави Кац.
Тој додаде дека во таа фаза Израел не ги споделил плановите со САД и дека се подготвувале за можноста операцијата да ја спроведат самостојно.
Според него, подоцна започнал дијалог меѓу Нетанјаху и американскиот претседател Доналд Трамп, а меѓу двете земји се разговарало и за можноста за пад на иранскиот режим.
„Протестите што избувнаа во Иран кон крајот на минатата година предизвикаа загриженост дека режимот може да изведе превентивен напад врз Израел или врз американските сили во регионот“, рече тој.
