Пирс Морган: Слушнав алармантни работи за принцезата Кејт
Познатиот британски новинар Пирс Морган се осврна за теориите на заговор за здравствената состојба на Кејт Мидлтон, велејќи дека слушнал „алармантни работи“, пишува „Индепендент“.
Отсуството на Кејт од очите на јавноста откако таа беше оперирана во јануари доведе до бура од шпекулации и теории на заговор на социјалните мрежи. Принцезата од Велс најмногу привлече вниманиe откако објави монтирана семејна фотографија за Денот на мајката.
Меѓународните новински агенции ја повлекоа фотографијата поради стравувањата дека фотографијата е преработена, a палатата не одговори на барањата за оригиналната фтографија. Подоцна, принцезата Кејт јавно се извини.
Морган најпрвин во својата емисија „Без цензура“ тврдеше дека принцезата „најверојатно е добро“, но подоцна истакна дека „палатата нешто крие“.
„Ми кажаа некои работи кои, ако дури и половина од тоа е вистина, тоа е прилично алармантно што се случува. Не знам во што да верувам – не сме таму“, рекол новинарот.
Новинарот секако појасни дека не може да потврди дали е вистина тоа што го информирале, но, исто така, се запрашал зошто Кејт би монтирала фотографии додека се опоравува од операција на абдоменот.