Пилешка тава со печурки
СОСТОЈКИ
– 500 г пилешко бело месо
– 300 г маринирани печурки
– 200 мл вода
– 200 мл млеко
– 200 мл бело вино
– 1 филџан масло
– 1 кесичка доматно пире
– 1 павлака
– сол, црн пипер, лаворов лист
ПОДГОТОВКА
Исечкајте го пилешкото месо на коцки, потоа додајте го маслото и кратко пржете го. Зачинете со малку сол и црн пипер.
Додајте ги млекото, водата и белото вино. Покријте го садот и оставете го да се динста додека омекне месото. Додајте ги печурките и нека се динста уште малку.
На крај додајте го доматното пире, павлаката, промешајте и потоа зачинете со оригано, лавор и по потреба со уште сол.
Тавата по желба можете да ја послужите веднаш или да ја потпечете во рерна. Послужете ја со прилог по избор – варен ориз и мешан зеленчук, или бешамел крем од варени и пасирани компири, моркови и брокули.