Безбедносните пунктови пред влезот во Дебар и Центар Жупа, каде е прогласена кризна состојба се осветлени. Заменик-министерката за внатрешни работи во техничката влада, Славјанка Петровска информираше дека за помалку од 24 часа ЕВН и ЕЛЕМ поставиле светло, со цел, припадниците на МВР да можат непречено да вршат контроли на влез и излез од кризните подрачја.

„ЕВН и ЕЛЕМ, пример за општествено одговорни компании кои за помалку од 24 часа одговорија на нашето барање да ги осветлат безбедносните пунктови Бошков мост и Глобочица. Припадниците на МВР секогаш се први на местото на сите кризни состојби и затоа заслужуваат подобри услови за работа. Им благодарам за нивната професионалност и посветеност. Од име на припадниците на МВР им благодарам за свесноста заедно да си помагаме“, напиша Петровска на Фејсбук.