Северна Македонија упати недвосмислена порака дека ќе продолжи да ја поддржува Украина во борбата за нејзиниот територијален суверенитет и интегритет, изјави за Канал 5 министерката за одбрана Славјанка Петровска.

Таа најави дека во тек се разговори за испраќање нова воена помош за Украина и додаде дека и покрај сите скептици и дезинформации, НАТО сојузниците се грижат едни за други и си помагаат.

„Гарантираме дека секоја педа од државите членки на НАТО е безбедна“, порача Петровска.

Петровска уште соопшти дека е потпишан договорот за набавка на системот за противвоздушна одбрана од Франција и објасни дека стратешките документи за развој предвидуваат неопходност од ваков систем за Армијата.

Инаку, РИА Новости денеска на социјалните мрежи објави снимка од уништените тенковикои на украинската војска ѝ пристигнаа како воена помош од Македонија и од Словенија заедно со НАТО тенкови Т-72.