Пентагон демантира дека американски воен брод бил погоден од два ирански проектили кај Ормускиот Теснец, објави „Би-би-си“.

Во објава на „Икс“, Американската централна команда вели дека „ниту еден брод на американската морнарица не е погоден“.

„Американските сили го поддржуваат Проектот Слобода и ја спроведуваат поморската блокада на иранските пристаништа,“ велат оттаму.

Иранската војска претходно тврдеше дека спречила разурнувач на американската морнарица да влезе во Ормускиот Теснец.

Иранската новинска агенција „Фарс“ соопшти дека пловен објект бил погоден од два проектила додека пловел низ Ормускиот Теснец „поради кршење на сообраќајната и поморската безбедност“.

Иран тврди дека со ракети нападнал американски воен брод