Еурофарм Пелистер останува доследен на својата политика за создавање домашни ракометари, откако потврди дека талентираниот Ненад Белистојаноски од наредната сезона ќе биде приклучен кон првиот состав.

Станува збор за 21-годишен ракометар кој потекнува од Прилеп и игра како десно крило, а во Битола ги мина сите младински категории. Досега настапуваше за вториот тим на Пелистер, но со новата одлука ќе добие шанса во првиот состав.

Белистојаноски стави потпис на договор со важност до јуни 2028 година, а на тимот ќе му се приклучи со почетокот на подготовките во јули.