Пеколните горештини продолжуваат во Европа: Рекордни температури во Холандија и Белгија
Ширум Европа оваа недела преовладуваат пеколни горештини, а во Холандија и Белгија денеска биле измерени рекордно високи температури.
Во Холандија и Белгија денеска се измерени температури од 38,8 и 38,9 Целзиусови степени, што се највисоки температури забележани во тие земји
Во северозападниот дел на Белгија попладнево се измерени 38,9 степени што е историски рекорд за таа земја.
„Измерените 38,9 степени Целзиусови се највисока температура измерена во Белгија од почетокот на мерењето во 1833 година“, напиша шефот на Кралскиот метеоролошки институт, Дејвид Денехау, на Твитер.
На југот на Холандија, пак, во 15 часот биле измерени 38,8 степени Целзиусови.