Градскиот беровски пазар преку финансиска поддршка од 3,6 милиони денари ќе се обнови со нови современи тезги, соопштија градските власти.

За таа намена потпишан е договор за финансиска поддршка, односно 50 проценти ќе се обезбедат средства од Агенција за финансиска поддршка и рурален развој, додека останатите 50 проценти од Буџетот на општина Берово.

-Проектот е продолжување на активностите за изградба на покриен зелен пазар, во кој со втората фаза, ќе бидат набавени современи, модерни тезги за продажба на производи на беровскиот пазар. Околу 50 проценти од инвестицијата се обезбедени од Агенција за финансиска поддршка и рурален развој, додека останатите 50 проценти од Буџетот на општина Берово, рече градоначалникот Звонко Пекевски кој го потпиша Договорот за финансиска поддршка за набавка на современи тезги за беровскиот пазар.

Конечно, рече Пекевски, се реализира она што долго време беше најавено.

Инвестицијата е дел од мерката Инвестиции за преработка и маркетинг на земјоделски производи како дел од подмерката Инвестиции во пазарната инфраструктура за постбербени активности.